Antes de comezar o Forum xa falaba do meu intenso programa de traballo no mesmo, que se completou coa presentación da entrega dos premio InnoForum concedidos aos mellores produtos da feira. Así que con semellante actividade non me quedou moito tempo para atender ao resto do programa, ata o punto de que única actividade na que estiven dende o comezo ata o final foi a ponencia de Marcelo Tejedor, coa que se clausurou o Congreso e sobre a que escribirei máis tarde.
Así que pouco poderei contar do Forum co nivel de detalle con que o fan os meus compañeiros blogastronómos, aos que vos remito para coñecer máis sobre a ponencia de Chef Rivera ou as catas de augardentes de Galicia, de sidras, de bombóns, viños e queixos, o circo do Grupo Nove, a ponencia de Carme Ruscalleda ou Flavio Morganti, por poñer algún exemplo dos moitos que podedes atopar nas páxinas de Manolo, Sole, Salome, Jorge e Óscar, que foron os grandes reporteiros-blogueiros do Forum.
Lee el resto de esta entrada »
O que comezou coma un pequeno divertimento acabo convertido nun gran equipo de filloeiros, sen dúbida o mellor do mundo. Pillamos coa filloa na man a Came Ruscalleda, marcelo Tejedor, Seiji Yayamoto, Xosé Cannas, Pedro Roca, Antonio Botana, Xoán Cannas, Taky e Diego Bello, que conforman un verdadeiro “dream team” da filloa. Na reserva están ademais Pepe Solla e Vitor Sobral, que pousaron coas filloas pero non as viraron a alguén se lle esqueceu convidalos e facelo) e Ferrán Adriá, que en dúas ocasións distintas parou no stand da asociación Filloas da Pedra, de A Baña, e probou ben probado o produto, pero rexeitou a invitación a meterse detrás do fofón. A colección completa de fotos pódese ver no post en que publiquei as primeiras e que despois foi medrando con novas achegas.
Hai xa unhas semanas que o Código Cociña é unha realidade na rede, pero a súa presentación oficial tivo lugar no marco do Forum Gastronómico Santiago’08, no que se celebrou un encontro de blogs digno de tal nome e non como o que tivo lugar en Madrid Fusión, claramente improvisado.
O encontro de blogs do Forum víñase xestando dende hai preto dun ano cando xurdiu a idea na cabeza do seu director Pep Palau, ao constatar a existencia dun grupo de bloggers galegos cun alto nivel de interrelación: os blogastrónomos. Desa preparación xurdiron dúas conferencias de senllos expertos universitarios, Manolo Gago profesor da Universidade de Santiago e blogger gastronómico, e Irene García Medina, profesora da Facultade de Empresa e Comunicación da Universidad de Vic. Houbo tamén un diálogo con Ferrán Adriá, Rafael Ansón, Carlos Maribona e Pau Arenós, que tivo lugar nun auditorio repleto de xente e que continuou despois nunha sala xa reservada para os bloggers acreditados, máis de trinta fronte a so oito en Madrid Fusión.
Lee el resto de esta entrada »
Comezou o congreso profesional do Forum Gastronómico Santiago’08 cunha explosión estelar que se manifestou en forma de flahses por tódolos recunchos do Palacio de Congresos e acumulación de cámaras de televisión á saída do Auditorio Compostela, por diante do cal por momentos era imposible circular: mentres unha televisión entrevistaba a Carme Ruscalleda, rodeada de xornalistas, outra facía o mesmo con Ferrán Adriá e unha terceira con Marcelo Tejedor. Houbo cámaras para todos e congresistas interesados en fotografiarse coas grandes estrelas da cociña.
O máis divertido da mañá foron as fotografías dos cociñeiros que pasaron polo stand da asociación Filloas da Pedra e se deixaron fotografiar dándolle a volta a unha filloa. Vai aquí a testemuña gráfica, na que faltan, polo momento dúas fotos: Ferrán Adriá virando unha filloa e Seiji Yamamoto facendo o mesmo. Ferrán pasou dúas veces polo stand das filloas pero na segunda ocasión, na que eu fixen a foto que acompaña, non se decidiu a poñerse detrás da pedra. “Zapatero a tus zapatos”, dixo cando o convidaron a facelo. Pode que a causa fora a presencia de fotografos de prensa, que non había na primera ocasión e na que si virou a filloa.
Marcelo Tejedor
Javier Rodríguez Ponte “Taky”
Diego Bello
Seiji Yamamoto
Xosé Cannas
Xoán Cannas
Pedro Roca
Aproveito uns poucos minutos da mañancina para falar outra vez do Forum Gastronómico que estamos a vivir en Santiago. Hai moi poucas horas deixaba Casa Marcelo despois da cea da prensa na que tiven o enorme privilexio de estar con outros catro xornalistas gastronómicos na mesa de Ferrán Adriá, que chegou cando xa estabamos coa cea (culpa dos avións) e demostrou un bo apetito e a boa amistade que ten con Marcelo e o seu equipo.
As felicitacións aos organizadores do Forum repetíronse unha e outra vez por parte dos xornalistas españois e estranxeiros, sorprendidos moitos eles pola calidade do programa e a perfecta execución do mesmo. As mesmas felicitacións se puideron escoitar ao longo do día, o mesmo que o sábado, no recinto do Palacio de Congresos por parte de visitantes, expositores, profesionais da cociña… semella un ambiente de euforia colectiva ante algo que sempre intuímos pero nunca ata o de agora tivemos en Galicia: unha feira gastronómica verdadeiramente profesional.
Lee el resto de esta entrada »
Despois dun día de intenso traballo na primeira xornada do Forum Gastronómico Santiago’08, volvo á cas cunha boa dor de cadrís causada pola miña lumbalxia, pero nunca me sentou tan ben unha dor de costas.
Atrás queda un ano de traballo dun enorme grupo de xente que dende o primeiro momento apostaron polo que xa é o máis grande evento gastronómico da historia de Galicia dende o banquete de Conxo. Ouros, moitos menos, puxéronse dende o comezo a traballar contra o Forum, seguro que uns con mellor fe que outros, que en realidade o que lle botaron á cousa foi toda a mala ostia de que eran capaces. Penso que xa se están arrepentindo porque o éxito da primeira xornada foi abrumador.
Lee el resto de esta entrada »
O meu amigo Jorge, cando colle uns días de descanso descúlpase previamente polo tempo que vai estar desconectado e sen publicar no seu blog. Eu vou facer aquí o mesmo, pero non porque me vaia de vacacións, senón porque os próximos días van ser de intenso traballo.
Despois de toda a preparación que me toca ao longo da semana, ademais do traballo habitual, o sábado comeza o Forum Gastronómico e con el a miña loucura:
O mesmo sábado presentarei a sesión de Flavio Morganti: Vacas, deliciosa carne roja (Aula Picadillo, 12,45 a 13,45).
Tamén na mañá do sábado andarei enredado co concurso InnoForum, que premia ás innovacións presentadas na feira do Forum.
Pola tarde estarei no xurado do Concurso de Pulpeiras (Auditorio Compostela, 16:00 a 17:15 horas) e presentarei a sesión de Pedro Roca: Las setas, del bosque a la mesa (Aula Picadillo, 19:00 a 20:00).
Lee el resto de esta entrada »
Convocados por A Nosa Terra TV, a pasada semana cinco blogastrónomos galegos (Capítulo 0, De Pinchos, Pantagruel Supongo, Gourmet de Provincias e Colineta) botamos unhas parrafadas e uns viños nun bar de Santiago a pasada semana.
O resultado daquela xuntanza está xa na canle de Youtube de ANT e tamén na edición dixital da revista.
A emigración parece ser a única posibilidade para que un xornalista galego gañe o Premio Nacional de Xornalismo Gastronómico Álvaro Cunqueiro na categoría de medios escritos, á luz do que está pasando nos últimos anos e que nos debería levar a algunha reflexión.
Primeiro as aclaracións:
- Falo exclusivamente do apartado de “medios escritos”, no que participan traballos publicados en xornais e revistas.
- Falo como persoa que presentou traballos nesta categoría nas tres últimas edicións do premios e, evidentemente, non foi premiado. Lee el resto de esta entrada »
Despois de semanas escoitando a reivindicación dos máis pequenos da casa decidimos pasar o martes de Entroido na neve, o que nos obrigou a achegarnos á estación de Cabeza de Manzaneda, onde non ía hai xa algúns anos. A estación presta un bo servizo para os galegos e portugueses do norte afeccionados á neve, pero de regreso do cumio ourensán pregúntome a onde vamos neste país en materia turística.
Os acceso son un horror, váiase por onde se vaia. Non sei que pensan nos respectivos concello, na Deputación Provincial de Ourense e na Xunta de Galicia, incapaces todos eles de dotar a un centro de atracción turística, emprazado nunha zona rural abondo deprimida, dun acceso decentes. Tampouco é tan grande a obra. Dende Pobra de Trives ata a estrada que sube a Manzaneda son 10 quilómetros que precisan un novo trazado, porque o resto está ben. Pero eses 10 quilómetros son absolutamente terceiromundistas. Lee el resto de esta entrada »
